Napagtripan? Binatilyo binaril sa ulo sa Lacson, Maynila

Patay ang isang 14-anyos na binatilyo matapos siyang barilin sa ulo ng isang lalaki sa bahagi ng center island sa A.H. Lacson Avenue sa Barangay 429, Sampaloc, Maynila pasado alas 8:00 ng gabi nitong Miyerkoles, September 2. Batay sa kuha ng CCTV sa lugar, nakatambay ang grupo ng mga kabataan sa center island habang nahagip naman sa 'di kalayuan ang isang lalaking tila nagtatago sa mga halaman. Maya-maya pa, nang magkumpulan ang mga kabataan, dahan-dahang lumapit ang salarin at bigla na lamang binaril ang biktima na dahilan para bumagsak ito sa kabilang bahagi ng kalsada. Nagtakbuhan ang ilang kabataan habang tumakas naman ang salarin papunta sa direksyon ng Alley 5. Dinala pa sa ospital ang biktima ngunit binawian din ito ng buhay pasado alas-11:00 ng gabi. "Ang nangyari kagabi is yung mga kabataan na nasa center island ng A.H. Lacson. Hindi naman namin alam kung away gang gang yun or mga magkakatropa lang na magkakasama. Kasi sa CCTV footage… magkakakilala sila eh," ayon kay Jello Pacol, EX-O ng Barangay 429. "Then ang gunman natin is nagtatago along the island, sa center island, nandun lang siya sa may halaman. Then, nung magkaroon ng kumprontahan, meron isang tao na coming from behind, nagkumprontahan yung isang kasama na binaril. Then, habang nagkukumprontahan sila, yung ating gunman lumabas magmula sa center island na nagtatago sa halaman. Pinaputukan ngayon yung isang… bata na kaagad na bumulagta at dinala naman sa hospital." Mabilis na nakatakas ang gunman matapos ang pamamaril. "Pag tapos ng shooting incident, tumawid siya papunta rito sa vicinity namin, lumusot siya sa alley 5. Pag dating sa alley 5 yun, hindi na namin nakita kasi alley 5 na yun is another, ibang barangay na naman yun,"dagdag ni Pacol. Samantala, kinumpirma naman ni Kagawad Christopher Barbers Mendiola ng Barangay 432 na residente nila ang salarin. “So far yung suspect, hindi pa siya dumaan sa akin na nareklamo ha. Yung pagkakilala niya sa barangay namin, hindi pa siya dumaan sa akin na may complaint," ani Mendiola. Kwento