THE GARY GILMORE’S CASE

Nuong January 17, 1977, bandang alas otso ng umaga sa Utah State Prison, nakahilera ang limang lalake, lahat sila ay may hawak na baril na nakatutok lamang sa isang lalake. May piring balot na kulay itim na damit ang kanyang ulo, may puting damit din na nakadikit at nakatarget sa kanyang puso. Bago ibigay ang hudyat na kalabitin ang gatilyo, tinanong ang lalakeng ito ng kanyang huling habilin, ang tanging naging sagot ng lalake ay let’s do it. Karamihan ng mga bilango na may parusang kamatayan ay nagsusumamong mailigtas ang kanilang buhay. ngunit iba ang lalakeng ito. Sya mismo ang nagmakaawa sa systema na tapusin na ang napakahaba at malungkot nyang pakikibaka. Ngunit ano nga ba ang dahilan kung bakit sa halip na ipaglaban ang kanyang buhay ay mas pinili ng lalakeng ito na tapusin na ang lahat? Ito ang ang kaso ni Gary Gilmore na nagiwan ng napakalaking impact sa justice system ng america. Ipinanganak si Gary Gilmore nuong December 4, 1940 sa McCamey Texas. Lumaki si Gary sa isang pamilya na punong puno ng karahasan. Ang kanyang ama ay isang con artist at palagi ring lango sa alak. Kasama ang kanilang buong pamilya, tumira sila sa isang trailer truck habang nililibot ang kanlurang bahagi ng bansa. Habang lumalaki, hindi kailanman naranasa ni Gary kung paano mamuhay sa isang normal na tahanan. Ang bawat maliit na pagkakamali ay may kapalit na suntok, sinturon o takot mula sa kanyang ama. Hindi sya nagkaroon ng kalayaan at pagkakataon na mahalin at magmahal. Nabalot ang kanyang pagkabata ng takot, sugat at pasa sa buong katawan. Ito ang naging pundasyon ni Gary sa kanyang buhay. Ang karahasan, ang magulong pamilya, at ang pakiramdam na wala syang puwang sa kanyang pamilya. Dahil sa karanasang ito, maagang natutong gumawa ng masama si Gary. Nagsimula ang buhay nya sa loob ng kulungan ng sya ay labing apat na taong gulang pa lamang. Nadakip sya ng mga pulis dahil sa pangangarnap ng sasakyan. Paulit ulit ang cycle na ito sa kanyang buhay, labas masok sya sa kulungan na umabot ng halos labing walong taon. Ang bil